🐓 Di pasar Ciamis. Nu dagang awewe geulis ngan rada galak, ngaranna Ceu Kokom.
🐓Asep : "Ceu, kagungan hayam nu ti Tasik teu ?
🐓Kokom : (mikeun hayam anu beureum bari ngabatin ... aya aya wae ... sugan we ieu cocok) "ieu hayamna, kangge naon bet milarian hayam Tasik ?"
🐓Asep : (bari nimbang beuratna, nyolok bujur hayam ku cinggirna) "wah ieu mah sanes hayam Tasik tapi ti Cianjur ... cobi nu sanesna".
🐓Kokom : "Cobi nu ieu" (bari mikeun hayam bodas).
🐓Asep : (nyolok deui bujur hayam) ... "Wah nu ieu mah ti Bogor Ceu...."
🐓Kokom : "Kang upami nu ieu kumaha ?" (bari ngasongkeun nu warna hawuk)
🐓Asep : (nyolok deui bujur hayam) ... "Sanes Ceu... ieu mah hayam Sumedang".
🐓Kokom : (satengah keuheul)... "Kang mangga milarian nyalira wae da seueur hayam mah".
🐓Asep : (bari asup ka kurungan hayam .... terus newak hayam nu borontok .. dicolok deui bujurna .... milih deui nu sejen ... dicolok deui ... kitu jeung kitu wae .... tapi teu hasil manggih hayam Tasik ) ... "teu aya Ceu".
🐓Kokom : (satengah nyentak)... "Kang rek meuli hayam atawa rek nyolokan bujur hayam wungkul ?"
🐓Asep : "Nya bade meser atuh ... ngan nu asli ti Tasik kangge sarat salametan. cobi eta anu di pojok nu hideung teu acan ditingali".
🐓Kokom : (bari mikeun hayam hideung) "Mangga ieu kantun hiji deui nu teu acan dicolokan teh".
🐓Asep : (bari nyolok bujur hayam hideung ... terus ngomong) ... "Tah ieu geuning aya hayam ti Tasik teh .... sabaraha Ceu pangaosna ?"
🐓Kokom : (bari monyong nahan kakeuheul) ... "100 rebu Kang" (padahal biasana ngan 50 rebu).
🐓Asep : (bari mikeun duit 100 rebu) ... "Ceu ari icalan ulah bari ambek ambekan bilih langganan nana kapok".
🐓Asep : (bari nungguam nu keur nalian hayam) "Punten ari Euceu kawitna timana ?" 😫
Kokom : (bari jamotrot jeung nonggengkeun bujurna) .... "Mangga wae ku Akang parios nyalira kawit abdi timana ?"...
Asep : "Euleuh"...
———————
Salam ..wilujeung wayah kieu
Mugia sadayana kenging kabagjaan...🙏🙏🙏
0 Comments