Pesan Iseng

Read

Abah : "jang, nu bisa nyieun gula saha?"

Kuring : "emak bah.."

Abah : "nu mere rasa amis saha..??"

Kuring : "Alloh bah.."

Abah : "Nu nyieun imah saha?"

Kuring : "tukang jeung insinyur bah"

Abah : "nu mere betah saha?"

Kuring : "Alloh bah"

Abah : "Nu nyieun motor saha?"

Kuring : "si Honda bah"

Abah : "nu mere salamet di jalan saha?"

Kuring : "Alloh bah.."

Abah : "nu mere duit jajan ka budak saha?"

Kuring : "abdi sareng indungna bah"

Abah : "nu mere kabungah kana hate budak saha?"

Kuring : "Alloh bah.."

Abah : "Nu mere resep obat saha?"

Kuring : "dokter bah.."

Abah : "nu mere cageur?"

Kuring : "Alloh bah.."

Abah : "terus salila silaing kumalendang nepika kiwari, usaha ti isuk jedur nepi ka sore jeger boga maksud hayang naon jang?

Kadaharan ciga gula..?

Imah tohaga ciga istana..?

Kendaraan mewah..?

Budak gaya ku papakean..?

Atawa awak jagjag waringkas..?"

Kuring :......??????? Balem ngahephep teu bisa ngajawab...

Abah : "tah aya beuleum jaer, ngan hilian ku letah anjeun. Pek mere imah ngan tukeuran ku pangabetah. Jig bawa motor ngan tukeuran jeung cingir. Tah dangdanan budak, ngan ulah dipanggihan. Jig ulin jeung dokter, ngan ulah menta cageur."

Kuring : beuki balem...beuki ngahephep

Abah : "carita hirup rek ngalalana, tapi gawe ngudag nu fana. Nu dipikahayang lana, nu di udag fana. Cita-cita hayang junun kalayan bagja, nu diudag barang saperak nu tereh beak. Cenah hayang bungah, nu dipigawe cilaka. Alloh jeung sakumna rasa aya dikulon, silaing neang ka wetan. Alloh nyampeurkeun ka wetan, silaing lumpat ka kidul. Alloh nu hese dipanggihan, atawa silaing nu nutupan hate embung nepungan..??"

Kuring : tungkul..ngeluk..teu bisa nembalan

Abah : "dunungan bisa mecat urang, tp moal bisa nahan rizqy urang. Pakaya bisa jadi harta, tapi kabungah lain ukur ku harta. Harta mah fana, Harti nu lana. Ku harta, jalma beunghar bisa jadi hina, ku harti, jalma leutik bisa jadi mulia. Nu boga harti anging Alloh. Silaing masih bingung kudu kamana ngalengkah...???"

Kuring : jlebbbbbb....mewek ingsrak ingsrakan.

Peupeujeuh

Reviewed by Tedi Agus Kurniadi on August 20, 2020 Rating: 5

Meunang Kontes Domba

Read

Si Udin boga Domba alus, di Majalaya aya Kontes Domba sehat, hadiahna duit Rp300 rebu. Si Udin ngilu lomba. Alhamdulillah meunang Kontes, hadiahna duit 300 rebu dibayar tunai ku Panitia, duitna 3 lambar 100,- rebuan.

Waktu narima hadiah, bakat ku geumpeur, duitna anu 300 rebu murag, langsung diteureuy ku Domba na.

Panitia nyarankeun yen Domba na sina nginum kopi, terus ditepak-tepak bujurna, ngarah Domba na bisa utah, ambeh duit nu diteureuyna bisa kaluar.

Udin balik bari neangan kopi ka H. Dadi, bari nunungtun si domba..
pas ka imah H Dadi .Udin menta sagelas kopi.

Ku Udin kopi na diinumkeun ka si Domba saregot, terus ditepak-tepak bujurna, Bener geuning kaluar salambar duit 100 rebu !

H. Dadi jadi kepo, langsung nawar 3 juta supaya Domba Udin jadi milik manehna.

Udin ngajawab singket : "Teu dijual !"

Udin nginumkeun deui kopi, terus nepakkan bujur Domba na,
..kaluar deui duit 100 rebu...!!

H. Dadi beuki panasaran, ditawar eta Domba Udin teh jadi 10 juta.
Udin keukeuh nampik bari nginumkeun deui kopi ka Domba na, ditepakkan deui bujur Domba na teh, terus utah deui duit 100 rebu.

H. Dadi beuki panasaran pisan...,
tuluy nawaran duit 25 juta ka Udin.

"Deal !"
..Ceuk Udin meni atoh..

Tungtungna si Domba teh jadi milik H. Dadi.

Isukna rame aya berita dina headline koran ;

"H. Dadi ditahan Pulisi ku sabab najongan Bujur Domba nepi ka paeh !"

Wilujeng wayah kieu..
😁😄

Simple hirup mah....teu kudu kabita ku milik batur, komo tepi ka hayang miboga, komo deui bari jeung teu nyaho mimitina mah.
Sabab kulakna rizki tiap jalma moal sarua...

Rek seuri pek
Rek ambek pek
Teu dibaca ge Sawios.
🐏🐏😂😂😂

Meunang Kontes Domba

Reviewed by Tedi Agus Kurniadi on January 14, 2019 Rating: 5

Papagah Sunda | Hirup Ukur Ngumbara

Read

Kade nitip cu !,
Ucap laku lampah Ulah nepi ka ngaraheutkeun HATE jeung PERASAAN batur. Sabab sangetna leweung, leuwih sanget ucapan jalma. Sekeutna pedang, leuwih sekeut Letah jelma nu raheut hate. Saucap nyata saciduh metu KADE CU.. Jaga, ulah rasa maneh pang aingna.

Urang teh di alam Dunya ngan sa ukur ngumbara.
Sagala kasenangan Dunya ukur pangbibita.
Rupa ukur pupulasan .
harta banda ukur titipan .
Hirup moal salawasna senang.
Hirup moal salilana peurih.
Aya beurang aya peuting.
Aya kasedih aya oge kabungah.
Aya kasusah pasti aya kabagjaan.
Kanyeri kapeurih pasti bakal aya ubarna.
Boga Katugenah pasti bakal dibales kabungah.
Sagalana oge pasti bakal aya jalanna jeung balesanna.
Tina sagala anu tos karandapan ku diri urang.
Pasti bakal aya hikmahna.

.Hariring lain nu kuring
.Haleuang lain nu urang
.
.Hariring nu Maha Wéning
.Haleuang nu Maha Wénang
.
Eling-eling mangka eling
Rumingkang di bumi alam
Darma wawayangan bae
Raga taya pangawasa
.
Nyucruk galur ti Karuhun
Nutur lacak para Wali
Nu nyambung ka balarea
Titinggal ti Nini Aki
Ngawaris kabudayaan
Seni Sunda sawer asih
.
Pepeling Jalan Pituduh
Nuduh keun diri cing lirih
Hahalang lugay disingray
Mun hayang salamet diri
Di dunya ukur ngumbara
Peupeujeuh cing repeh rapih
.
Repeh rapih nu salembur
Kacai jadi saleuwi
Kadarat jadi salogak
Pageuh pakuat pakait
Ulah ingkah balilahan
Ancrubna ngajadi hiji
.
Ngahiji ngajadi dulur
Sadaya mahlukna Gusti
Hubungan sabilulungan
Keudalkeun katineung ati
Ka Ibu sareng ka Rama
Neneda ka Maha Suci

Papagah Sunda | Hirup Ukur Ngumbara

Reviewed by Tedi Agus Kurniadi on April 22, 2018 Rating: 5

Surat Ti Indung

Read

SURAT TI INDUNG

sakali deui aaaah bahasa mangle
panggeuing keur hate anu tibra sare

Anaking, anak Ema, kiwari Ema geus nepi ka lembur anu sabenerna lembur nu beda jeung lembur urang baheula

Anaking, anak incu mun isuk-pageto hidep sono hayang papanggih jeung Ema tuluy hidep baralik ka lembur jiga baheula, omat tong angkaribung barang bawa, sabab Ema geus lain Ema anu baheula !

Anaking, kamelang Ema!mun hidep nyaah ka Ema,teu kudu bingung mulang tarima, tapi cukup bejaan Ema:yen hidep geus jadi jalma soleh, geus jadi hamba Alloh ahli ibadahbari salawasna terus ngadu’a sangkan aya dina ridlo Anjeuna

Anaking, mun hidep nyaah ka Ema, cukup bejaan Ema: yen hidep nyaah ka Ema akur jeung dulur runtut-raut sauyunan silih hargaan silih elingan silih tulung silih bantu gogonjakan jiga baheula!

Anaking, pang bejakeun ka anak incu hidep, yen Ema nyaah ka hidep! nyaah ku lucu na, nyaah ku bela na, nyaah ku sumanget na!

Bejakeun ka kulawarga hidep Ema geus nepi ka nu dituju, Ema rek satia nungguan,di dieu, di hareupeun panto surga!

Anaking, anak-incu, wayahna, baca ieu surat saeutik deui !

Ema hayang mere beja nyambung beja anu baheula: nu manfaat di dieu, di alam baka; geuning lain harta, lain tahta,lain pangkat, lain jabatan, tapi wungkul amal soleh waktu di dunya nu dibungkus iman jeung katakwaan!

Ayeuna ku Ema geus karasa,geus karasa! karasa endahna solat jeung puasa, karasa endahna zakat,karasa endahna mikanyaah fakir-miskin, karasa endahna akur jeung dulur, bari heman ka tatangga!

Anaking, anak-incu, mun hirup hidep kadungsang-dungsang, mun hidep loba ma’siat tibatan tobat, loba takabur batan tafakur,loba sasar batan istigfar, loba salah batan ibadah, omat Ema tong dibejaan,sabab teu sanggup ngadengekeunana!

Anaking,hampura, ema
😭😭😭
🌸🌸🌸🌸🌸🌸🌸🌸🌸🌸🌸