Udin geus ginding rek ka imah awewe nu diincerna. Memeh ka imah awewe nyimpang heula ka tukang kembang.
Udin : “Mang…, kembang nu beureum hiji….”
Tukang Kembang : “ Rek apel Jang….?"
Udin : “Muhun Mang.”
Tukang Kembang : “Hebat lah meni romantis."
Udin : “Udin tea atuh…, eh …Mang hiji deui we kembangna Mang…”
Tukang Kembang : "Keur saha deui Jang..?"
Udin : "Keur adina Mang, sok delak delek wae. Jigana bogoheun oge ka abdi.”
Tukang Kembang : “Meni hawek Jang…”
Udin : “Wah Mang urang hanca we duanana…. eh…ketang hiji deui we Mang kembangna."
Tukang Kembang : "Keur saha deui Jang….?????"
Udin : "Keur indungna Mang, lumayan geulis keneh katingalina mah. Mun abdi ka dinya sok melong wae. Sigana sarua bogoheun ka abdi."
Tukang Kembang : "Beueu... Boa edan, Budak ngora ayeuna ku nurustunjung". (Jero hate)
Singkat carita, Udin nepi ka imah kabogohna. Udin geus didagoan ku kabogohna, adina jeung indungna rek diajak dahar bareng. Ngan memeh dahar ngadagoan heula bapana can balik gawe.
Teu lila torojol bapana datang, Udin langsung tungkul mingpin do’a. Meni khusu, da hayang kapaké meureun.
Meni lila Udin nga do'ana, sarerea geus cangkeul. Udin kalah beuki tungkul. Kabogohna kesel, tuluy noel bari ngaharéwos.
“ Teu nyangka geuning Aa teh meni religius, ngado’a ge meni lami pisan.”
Udin bari masih keneh tungkul, teu kuat bari semu nahan ceurik nembalan bari ngaharéwos.
“Aa teu nyangka, geuningan bapa Eneng teh tukang kembang...."
😂😂😂
0 Comments