Piwuruk Sepuh, beja ti Aki
Dina awak sakujur teh aya dua unsur, nyaeta : jasmani jeung ruhani..
Dina bahasa sunda aya kecap
JISIM KURING..
Jisim /jismun hartina Jasad, awak sakujur.
Kuring/Abdi nyaeta Rohani
1.JISIM / jasad, bakal BILATUNGAN
2. KURING/ROH, bakal BALITUNGAN
Kumargi kitu kahade ulah hayoh wae ngalus-ngalus jasad, sakumaha geulis jeung kasep, da tungtungna pasti BILATUNGAN.
Ulah poho ka KURING/ABDI, sabab eta anu bakal BALITUNGAN
Riksa Diri, Raksa Awak.. malah mandar salamet dunya aherat.
Di tatar Sunda seueur pisan siloka kalebet kecap SUNDA éta ngabogaan harti anu jero..
SUNDA téh ngandung harti NU NYUSUN DINA JERO DADA..
Anu kudu nyusun dina jero dada téh nyaéta kalimah :
لااله الا الله
jumlahna aya 12 huruf, ngandung Harti Aya 12 kawajiban, nyaéta 6 kawajiban bathin, 6 kawajiban dohir.
Kawajiban bathin nyaeta Rukun iman 6. Kawajiban dohir Rukun Islam 5 jeung Ihsan 1.. Jadi jumlah 12.
Lamun
manusa geus Iman, Islam tur nepi kana Ihsan.. ngarasa neuteup jeung di teuteup Ku Alloh, tangtu éta jalma boga rasa rumasa, salamet hirup jeung kahirupanana. .
Sabab teu aya deui cilaka nu pang gedé gedéna, iwal ti cilaka 12, nyaéta manusa nu geus teu percaya ka Alloh teu maké Iman, Islam jeung Ihsan. Nu 12 huruf tadi .
لااله الاالله.
Mugia mangpaat kanggo sim kuring oge wargi sadayana....Aamiin
Wilujeng ...☕☕🙏🏻🙏🏻
No comments: