Muslim, Beunghar, Suka Sodaqoh Tapi Maot Asup Ka Naraka, Ieu Sababna ?

Caritana aya saurang lalaki muslim, sebut we Kosasih, beunghar,   sarta ahli ibadah jeung shodaqoh,  maot tapi naha asup ka  naraka?.

Malaikat : "Sabaraha hiji anjeun boga imah ? ".

Kosasih : "Opat".

Malaikat : "Mobil?". 

Kosasih: "Lima". 

Malaikat : "Harta kakayaan anjeun digunakeun  keur naon wae? "

Kosasih : "Abdi tos Haji 5 kali, Umroh  unggal taun,  infaq shodaqoh unggal dinten,  nyumbang ngabantu sababaraha masigit"

Malaikat : "Alus,  kukituna anjeun  kudu ka sawarga. jig indit tuh ka sawarga"
Kosasih gancang lumpat ka panto sawarga,  tapi karek ge nepi geus digeroan deui ku Malaikat. 

Malaikat : "Hei ..Kosasih,  .., tunggu. aya hiji pananya deui"

Kosasih : "Aya naon deui  Malaikat? "

Malaikat : "Sabaraha urang ari pamajikan anjeun? "

Kosasih : "Mung hiji Malaikat"

Malaikat : "Naha ngan hiji?  Pan anjeun beunghar , sanggup boga pamajikan leuwih ti hiji"

Kosasih : "Abdi teu wantun,  sieun ku   istri  abdi ...!". 

Malaikat : "Taaahh ieu  masalahna. Anjeun teu jadi asup ka sawarga, ayeuna gancang ka Naraka"

Kosasih : "Naha jadi kieu,  naon salah jeung dosa abdi? "

Malaikat : "Nu ngaranna sieun ngan ka Gusti Allah,  anjeun malahan sieun ku pamajikan,  hal eta nu nyababkeun anjeun ka naraka"

Kosasih ngagorowok : "Emaaaaaaaaa.....kaduhung teu nyanduung......".