Si Nyai Naek Beus
👷Kenek beus : "Bandung.... Bandung Buu...."
👩Indungna Si Nyai : "Pa tulung nya, engke mun geus nepi ka Garut, pangbejaankeun ieu budak..."
👷Kenek : "Mangga Bu...Tariiiikkk"
🚌Di terminal Ciamis, Nyai nanya ka kenek beus,
Nyai : "Tos dugi ka Garut.... acan Mang ?"
👷Kenek : "Teu acan Nyi... masih lila keneeh...."
Nepi Tasik, Nyai nanya deui,
Nyai : "Tos dugi ka Garut teu acan Mang....?"
👷Kenek : "Acan Nyi masih jauuuuhh..."
👶Nyai bosen tatanya terus. Akhirna kasarean. Beus terus maju arah ka Bandung. Teu karasa geus liwat Garut nepi ka Samarang. Kenek poho pesen indungna si Nyai. Pas inget, kernet langsung ngomong ka supir,
👷Kenek : "Duuh Kang.... kuring asa dosa ka budak eta" bari nunjuk ka si Nyai nu tibra sare.
😎Supir : "Kunaon kitu....?"
👷 Kenek : "Indungna tadi titip pesen mun geus nepi Kota Garut bejaan eta budak.... !!"
😎Supir : "Waah.... kumaha ari silaing.... pan Garut geus jauh"
Jawab supir, bingung. 🌿Sanggeus menta ijin ka panumpang sejenna, akhirna beus balik deui ka Garut, kulantaran karunya ka si Nyai masih budak keneh, penumpang kabehan satuju mobil balik deui ka Garut.
👷Kenek : "Nyi...nyai hudang geus nepi Garut... bari nepakan awak si Nyai..."
👶Si Nyai ngorejat,
Nyai : "Geus nepi ka Garut Maang..." terus si Nyai buru buru muka sangu timbel ti indungna, oncom lauk asin sambel... belewek dahar...
👷Kenek : "Lain arek turun di dieu ....?"
👶Nyai : "Henteu Mang.... paan uing mah arek ka Bandung......pesen si Ema mun geus nepi ka Garut .. bekel sangu timbel ti Ema kudu didahar," jawab si Nyai bari ngahuap sanguna.
👬Kenek, supir, jeung kabeh penumpang ngomong bareng : "Dasar si Borokokok .... atah adol budak teh...."
hiburan heula.....wilujeng wayah kieu.....
wilujeung gumujeng seuri sing ikhlas
🙏🙏🙏🙏
Comments
Post a Comment